Bakıda zibil qutusuna atılan körpənin aqibəti

İyulun 17-si zibil qutusundan tapılan körpənin müalicəsi yekunlaşıb. Bu barədə TƏBİB məlumat yayıb.

Bildirilib ki, son olaraq müayinələrdən keçirilən körpənin səhhətində hər hansı narahatlıq aşkarlanmayıb, müalicələrdən sonra götürülən analizlərdə neqativ hal müşahidə olunmayıb, çəkisi üç kiloqram 600 qramdan artıq olub.

Müalicələri yekunlaşan körpə xəstəxanadan buraxılaraq 1 saylı Körpələr Evinə təhvil verilib.