Bu fotoya görə dövlət qurumları hərəkətə keçdi

Sosial şəbəkələrdə azyaşlının zərərli vərdişlərə cəlb olunmasını əks etdirən görüntülər yayılıb.

Məsələ ilə əlaqədar Ailə, Qadın və Uşaq Problemləri üzrə Dövlət Komitəsi dərhal aidiyyəti qurumlarla birgə araşdırma aparıb.

Komitədən verilən məlumata görə, Abşeron rayon sakini olan valideynlər Rayon İcra Hakimiyyətinə dəvət olunublar. Fotonun uşağın dayısı tərəfindən ötən il ailə məclislərinin birində zarafat məqsədilə çəkilərək paylaşıldığı iddia edilib.

Ailə ilə profilaktik söhbət aparılıb, qanunvericiliyə müvafiq olaraq onların valideynlik vəzifələrini yerinə yetirmədikləri təqdirdə, bu hüquqdan məhrum edilə biləcəkləri qeyd olunub.