Bu yoldan keçən peşman olur: Saray sakinlərinin yol problemi

Abşeron rayonu, Saray qəsəbəsi, Mikayıl Müşfiq küçəsinin yolları illərdir ki, bərbad vəziyyətdədir.

Sürücülər avtomobillərini tez-tez təmirə aparmaq məcburiyyətində qalmaqdan, validenlər isə övladlarını məktəbə aparmaqda çətinlik çəkməkdən şikayətlənirlər.

Sakinlərin iddiasına görə, bir neçə ay öncə aidiyyəti qurumların əməkdaşları təmir-bərpa işlərinə başlasalar da, proses yarımçıq qalıb.

“10 ildir yollar bu vəziyyətdədir. Bir az asfalt örtüyü qalmışdı, onu da “qaşı”dılar. Bura köçəndən nə “peredok” qalıb, nə də təkər”, – sakinlər deyirlər.