Pleyeri seçin:
Bulvar ərazisinin genişləndirilməsi planlaşdırılır
Bakı bulvarının uzunluğu artırılacaq.
Bu barədə məlumat Bakı şəhərinin 2040-cı ilədək inkişafına dair baş planında qeyd olunub.
Belə ki, paytaxt ərazisində bulvarın ümumi uzunluğu 2040-cı və ondan sonrakı illərdə 25 km-dən çox olacaq. Dənizkənarı Milli Park cənubda Bibiheybətə, şərqdə Zığa qədər genişləndiriləcək. Bununla da geniş bir ərazidə ictimai yaşıllıq sahələri yaradılacaq.
Həmçinin Bakıda yeni Yaşıl Park salınacaq. Xocahəsən gölü ətrafında təxminən 500 ha ərazidə geniş ictimai parkın yaradılması planlaşdırılır.
Uzunmüddətli perspektivdə Lökbatanla Xəzər dənizi arasındakı bataqlıq əraziləri daxil etmək üçün parkın cənuba doğru genişləndirilə biləcəyi qeyd olunub.
Xocahəsən gölünün yaxınlığında əsas yerli bitki növlərinin yetişdiriləcəyi və köçəri su-bataqlıq quşlarının miqrasiya məskəni olacaq yeni Nəbatat Parkının yaradılması da nəzərdə tutulur.
Kopyalandı
#Bakı bulvarı teqi istifadə olunub
Seçilmişlər
