Pleyeri seçin:
Buradakı dayanacaq həm hərəkəti ləngidir, həm də... | Problemin həll yolu - NECƏ OLMALIDIR?
“Necə olmalıdır?” rubrikasının yeni buraxılışı yayımlanıb.
Bu dəfə paytaxtın Abbas Mirzə Şərifzadə küçəsində sürücüləri və piyadaları narahat edən problemlər haqqında məlumat verilib.
Qeyd edilib ki, ərazidəki dayanacaqlardan biri elə quraşdırılıb ki, piyadalar səki ilə hərəkəti davam etdirmək üçün avtomobil yoluna düşmək məcburiyyətində qalırlar.
“Dayanacaq pavilyonunun səkini tam zəbt etməsi piyadların həyatı üçün təhlükə yaradır. Burada hər hansı müsbət dəyişiklik vacibdir. Yola ayaq basmamaq üçün əziyyət çəkən piyadalar da var. Ancaq bu, çıxış yolu deyil”, – deyə vurğulanıb.
Digər məsələ isə avtobusların sağ zolaq üçün yaşıl işıq yananda sərnişin mindirib-düşürməsidir. Bu da sağa getmək istəyənlərin haqlı narazılığına gətirib çıxarır.
Yaxşı olar ki, dayanacağın ölçüləri səkiyə uyğun dəyişdirilsin və yeri yuxarı tərəfə çəkilsin.
Kopyalandı
#Abbas Mirzə Şərifzadə küçəsi teqi istifadə olunub
Seçilmişlər
