“Dedilər ki, çəkin çoxdur, ona görə...” | Vətəndaş əlillik dərəcəsinin ləğv olunmasından narazıdır
Yeniliklərdən dərhal xəbərdar olun
Baku TV-nin qaynar xəttinə müraciət edən Cəlilabad rayonunun Göytəpə şəhər sakini 48 yaşlı Zahid Qədirov illərdir ağır mədə-bağırsaq xəstəliyindən əziyyət çəkdiyini bildirir.
Şikayətçinin sözlərinə görə, ona 2019-cu ildə onikibarmaq bağırsaq xorası diaqnozu ilə ikincidərəcəli əlillik təyin edilib. Lakin 2024-cü ilin yanvarında beşillik müddət başa çatdıqdan sonra əlilliyin bərpası üçün etdiyi müraciətlər nəticəsiz qalıb. O, hazırda çətin vəziyyətdə olduğunu bildirərək kömək istəyir.
“Dəfələrlə müraciət etmişəm. Hər dəfə müxtəlif səbəblər göstəriblər. Bir dəfə müalicə müddətinin az olduğunu yazdılar. Sonra müalicəmi davam etdirdim, amma yenə imtina cavabı gəldi və məni Masallıya göndərdilər. Məsələn, çəkimin üç-dörd kiloqram artıq olduğunu bildirdilər. Buna görə də əlilliyin təyin olunmasından imtina etdilər. Dedilər ki, çəkim normadan bir qədər artıqdır. Mən də çalışıram ki, bir az çəki alım, arıqlayanda vəziyyətim pisləşir. Onikibarmaq bağırsaq xorası xəstəliyim davam edir. Hazırda heç yerdə işləmirəm. Üç övladım var. Xahiş edirəm ki, əlilliyimin bərpa olunması üçün dövlət qurumları mənə kömək etsin”, – deyə Zahid Qədirov bildirib.
#Cəlilabad teqi istifadə olunub
- "Keçinin ağzına bax" - Özünüməşğulluq proqramından yararlanmaq istəyən 2 ailə şikayətçidir - Baku TV
- Cəlilabadda kartof məhsuldarlığı kəskin azaldı | Fermerlər çıxış yolu axtarır - 24 SAAT
- “Ziyan ziyan dalınca, qabağını ala bilmirik” - Kartofçuluq niyə təhlükə altında qalıb? - Baku TV
- "Bura Cənubi Qafqazın Mesopotamiyasıdır" | Cəlilabadda İlk Tunc dövrünə aid nümunələr tapıldı
- “Onda canla-başla kömək edərəm ki...” - Əhalinin etirazına bələdiyyə sədri nə cavab verdi? - Baku TV
