Deputatdan hərbçilərin pensiya yaşı ilə bağlı təklif

“Hərbçilər ali məktəbi bitirəndən sonra 20 il qulluğun sonunda 42 yaşında təqaüdə gedir. Hərbçilərin təqaüdə getməyinin ən əsas səbəbi odur ki, qorxurlar ki, gələcəkdə hansısa səhvə yol verdiyinə görə ordudan uzaqlaşdırılacaqlar və təqaüd ala bilməyəcəklər. Lakin bu sahədə işləyən bütün insanların hamısı təqaüdünü alır”.

Bu sözləri Milli Məclisin bu gün keçirilən iclasında “Hərbi qulluqçuların statusu haqqında”, “Hərbi xidmətkeçmə haqqında” Əsasnamə”nin təsdiq edilməsi barədə, “Əmək pensiyaları haqqında” və “Hərbi vəzifə və hərbi xidmət haqqında” Azərbaycan Respublikasının qanunlarında dəyişiklik edilməsi barədə” qanun layihəsinin müzakirəsi zamanı parlamentin Regional məsələlər komitəsinin sədri Siyavuş Novruzov deyib.

“Mənə II Qarabağ müharibəsi və Aprel döyüşlərində iştirak edən və 43 yaşında təqaüdə çıxan şəxs ikinci iş axtardığını bildirdi. Deyir ki, böyük marketlərdə ona deyiblər ki, balıq təmizləsin. Böyük rütbəli adam necə gedib balıq təmizləsin?! Əsgərləri gəlib görəcək ki, komandiri balıq təmizləyir. Qanuna təklif edilən dəyişikliklərin mahiyyəti ondan ibarətdir ki, öz işi ilə bağlı zabit funksiyasını necə yerinə yetirir”, – deyə o bildirib.