Dindən danışanda insanları qorxudurlar | Həmid Herisçi necə ölümdən döndü? - AMİN

“Amin” verilişinin yeni buraxılışı yayımlanıb.

Proqramın budəfəki buraxılışında yazıçı, şair Həmid Herisçi ilə dünənimiz, bu günümüz və gələcəyimiz mövzusu müzakirə edilib.

Verilişdə yazıçı Təbrizlə bağlı xatirələrini bölüşüb, eləcə də zamanı idarə etməkdən, canlı efir təcrübəsindən, 44 günlük Vətən müharibəsində əsgərlərin şücaətindən, islam dinindəki mübarizədən danışıb.

Həmid Herisçi ailəsindən və uşaqlıqda ağır xəstəliyə tutulmasından da bəhs edib.

“Anam içərişəhərli, atam isə təbrizli idi. Buna görə mən bütöv Azərbaycanı ailəmdə gördüm. Atam Azərbaycan Demokrat Firqəsinin rəhbərlərindən idi. O, bir inqilabçı olaraq bu yöndə işlər görürdü. Atamın siyasi fəaliyyəti mənə çox təsir etdi. Onun vəzifəsi olmasaydı, sağ qalmazdım.

Uşaqlıqda nefrit xəstəliyinə tutulmuşdum. Həkimlər xəstəliyimin ölümcül olduğunu söyləyirdilər. Məni Moskvada xəstəxanaya apardılar, orada sağaldım”, ‒ deyə o bildirib.