Dövlət Komitəsindən təcili açıqlama: Xankəndi barədə yeni məlumatlar

Son vaxtlar bəzi media subyektlərində və sosial şəbəkələrdə ölkənin müxtəlif ərazilərində daimi qeydiyyatda olan və faktiki olaraq yaşayan vətəndaşların da Xankəndiyə və Qarabağın digər yaşayış məntəqələrinə köçürülməsinin mümkünlüyü, bununla bağlı Qaçqınların və Məcburi Köçkünlərin İşləri üzrə Dövlət Komitəsində, onun yerlərdəki nümayəndəliklərində yazılı müraciətlərin qəbul edildiyi barədə məlumatlar yayılıb.

Dövlət Komitəsindən verilən məlumata görə, qurum yalnız məcburi köçkün vətəndaşların əvvəlki yaşayış yerinə qayıdışı məsələsi ilə məşğul olur.

Eyni zamanda Böyük Qayıdış Proqramı çərçivəsində hazırda bərpa edilən, yenidən tikilən yaşayış məntəqələrinə sakinlərin köçürülməsi aparılır.

Qeyd olunur ki, Qaçqınların və Məcburi Köçkünlərin İşləri üzrə Dövlət Komitəsi adından sosial şəbəkələrdə yayılan məlumatlar həqiqəti əks etdirmir.