Cəmiyyət
Pleyeri seçin:
Dövlət Sosial Müdafiə Fondundan vacib açıqlama
Əhalinin sosial rifahının yaxşılaşdırılması sahəsində tədbirlərin davam etdirilməsi məqsədilə 5-ci sosial islahat paketi çərçivəsində əmək pensiyalarının minimum məbləğinin 2025-ci il fevralın 1-dən 280 manatdan 320 manata çatdırılması nəzərdə tutulur.
Bu barədə Dövlət Sosial Müdafiə Fondundan məlumat verilib.
Bildirilib ki, bütün növ əmək pensiyaları ildə bir dəfə ölkə üzrə ortaaylıq nominal əməkhaqqının ilkin artım tempinə uyğun olaraq Prezident İlham Əliyevin müvafiq Sərəncamına əsasən, yanvarın 1-dən indeksləşdirilir.
Sözügedən Sərəncam hər il fevral ayına təsadüf etdiyindən pensiyaların indeksləşdirilərək artırılması fevral ayında yanvar ayının 1-dən hesablanmaqla həyata keçirilir. Həmçinin yanvar ayının fərqi də fevral ayının pensiya məbləği ilə birlikdə ödənilir.
Kopyalandı
Seçilmişlər
