Ermənilər sərhəddəki kəndləri tərk edir

Ötən ilin 13-14 sentyabr tarixində Ermənistanın sərhəddə təxribat törətməsindən sonra baş verən döyüşlər zamanı Azərbaycan Ordusunun strateji yüksəkliklərə nəzarəti bərpa etməsi sərhədboyu ərazilərdə yerləşən erməni kəndlərinin boşalması ilə nəticələnib.

Bu barədə Ermənistan mediası yazıb. Məlumatda bildirilir ki, sərhəd bölgəsində yerləşən Yuxarı Şorca və Aşağı Şorca kəndində yaşayan ermənilər kəndləri tərk edir. Azərbaycan Ordusunun yerləşdiyi strateji yüksəkliklər bu kəndlərə nəzarət imkanı da verir.

Ermənistanın “Tonoyan” fondu isə əlavə edib ki, bu iki kəndlə yanaşı, qədim Azərbaycan torpaqları olan Zod, Daşkənd, Ağkilsə və digər ərazilərdəki ermənilər də bölgəni tərk etməyə hazırlaşır. Buna səbəb kəndlilərin işğal dövründə istifadə etdikləri otlaq və əkin sahələrindən məhrum olmalarıdır.