Ermənistan MTX-dən itkin düşən hərbçimizlə bağlı təcili açıqlama

“Bizdə Azərbaycan Ordusunun hərbi qulluqçusunun Azərbaycan-Ermənistan sərhədini keçməsi barədə hər hansı məlumat yoxdur”.

Bu barədə Ermənistan Milli Təhlükəsizlik Xidmətindən erməni mediasının sorğusuna cavab olaraq bildirilib.

Qeyd olunub ki, sözügedən faktı təsdiqləyəcək hər hansı informasiya olarsa, ictimaiyyət bununla bağlı məlumatlandırılacaq.

Qeyd edək ki, Azərbaycan Ordusunun hərbi qulluqçusu əsgər Hüseynov Ceyhun Tofiq oğlu iyunun 9-da Naxçıvanın Şərur rayonunun Günnüt yaşayış məntəqəsi istiqamətində naməlum şəraitdə itkin düşüb.