Ermənistanın növbəti cinayəti

Son zamanlar Ermənistan hakimiyyəti Azərbaycanla münasibətdə ritorikasını sərtləşdirib, irəli sürülən bütün təşəbbüsləri bloklama yolunu tutub, əsassız iddialarla çıxışlarını artırıb.

Məhz bunun davamı kimi bu ölkə Azərbaycana qarşı daha bir təxribata əl atıb və təəssüf ki, təxribat nəticəsində Ordumuzun hərbi qulluqçuları şəhid olub. Bu hadisə İrəvanın son zamanlar yürütdüyü siyasətin göstəricisi olmaqla yanaşı, həm də yeni təxribatların və insidentlərin qaçılmaz olduğundan xəbər verir.

Görünür, Avropa İttifaqının missiyasının Ermənistana gəlməsi ölkə hakimiyyətini cəsarətləndirib. Ermənistanın siyasi və hərbi rəhbərliyi daha iddialı bəyanatlar verməyə başlayıb. Onlar hesab edirlər ki, İtifaqın missiyasının bu ölkədə olması öz iddialarını gerçəkləşdirmək üçün zəmin yaradıb. Lakin bütün bunlar mənasız cəhdlərdən başqa bir şey deyil. Çünki Ermənistan növbəti təxribatına və cinayətinə görə mütləq cavab verəcək.