Evdən çıxma ilə bağlı qadağa olacaq? | Dövlət rəsmisi sualları cavablandırdı

COP29 müddətində hər hansı məhdudiyyət, qadağa və ya SMS icazənin tətbiqi nəzərdə tutulmur.

“Report”un xəbərinə görə, bunu COP29-un baş icraçı direktoru Elnur Soltanov beynəlxalq tədbirin keçirildiyi müddətdə evdən çıxma qadağasının və SMS icazələrin tətbiq ediləcəyinə dair fikirlərə münasibət bildirərkən deyib.

Baş icraçı direktor vurğulayıb ki, COP29 dövründə şəhər sakinlərinin evdən çıxması ilə bağlı səlahiyyətli qurumlar tərəfindən məhdudiyyət və qadağaların, SMS icazələrin tətbiqinin nəzərdə tutulmasına dair məlumatlar tamamilə dezinformasiyadır.

“İctimaiyyəti bu kimi dezinformasiyalara inanmamağa və yalnız dövlət qurumları tərəfindən verilmiş rəsmi məlumatları əsas götürməyə çağırırıq”, – deyə Elnur Soltanov vurğulayıb.