Füzulidən yeni görüntülər: nələr inşa olunur?

“2026-cı ilin sonuna qədər Füzuli rayonunda 22 min nəfərin yaşaması planlaşdırılır”.

Bunu şəhərə təşkil olunmuş mediaturda Prezidentin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəliyinin baş məsləhətçisi Eldar Seyidov bildirib.

“Füzulidə yaşayış massivi ilə yanaşı, həmçinin rayonun ərazisində 10 kəndin bərpası gözlənilir. Ümumilikdə Cuvarlı kəndinin ərazisi 115 hektar, əhalinin sayı isə 1697 nəfər olacaq. Birinci mərhələdə 28,1 hektar ərazidə 129 ailə üçün fərdi yaşayış evləri tikiləcək”, – deyə E.Seyidov əlavə edib.