Füzuliyə qayıdacaq növbəti ailələr | Böyük Qayıdış davam edir

Yanvarın 12-də Qaçqınların və Məcburi Köçkünlərin İşləri üzrə Dövlət Komitəsi Füzuli şəhərinə növbəti mərhələdə köçürüləcək ailələr arasında püşkatma keçirib.

Püşkatmada 147 ailə iştirak edib. Onlardan 57-si ikiotaqlı, 75-i üçotaqlı, 15-i dördotaqlı mənzillə təmin olunub.

Həmin ailələr indiyədək respublikanın müxtəlif ərazilərində müvəqqəti məskunlaşma yerlərində yaşayıblar. Püşkatma məcburi köçkünlərin yerləşdirilməsində obyektivliyin və şəffaflığın təmin edilməsi məqsədi daşıyır.

Məcburi köçkün ailələrin nümayəndələri tərəfindən püşkatma vasitəsilə onlara verilən evlərin dəqiq ünvanları da müəyyənləşib.