Görmə pozuntusu ilə bağlı çoxdandır gözlənilən xəbər

Yaponiya və İngiltərədən olan alimlər görmə pozuntusunun müalicəsində istifadə etdikləri süni kök hüceyrələrin uğurlu nəticələr verdiyini bildiriblər.

Alimlər ağır dərəcədə görmə pozuntusu olan 4 nəfərin buynuz qişasına “induksiya olunmuş pluripotent kök hüceyrələr” köçürüblər.

Tədqiqatçılar süni şəkildə hazırlanmış bu kök hüceyrələrin köçürüldüyü, ağır dərəcədə görmə pozuntusu olan 3 xəstənin görmə qabiliyyətində 1 ildən çox müddətdə əhəmiyyətli irəliləyişlər müşahidə olunduğunu bildiriblər. Sonuncu xəstənin görmə qabiliyyətində yaxşılaşmalar müşahidə olunsa da, bunun uzun sürmədiyini qeyd ediblər.

Tədqiqatçılar xəstələrin indiyədək hər hansı bir əks təsirlə qarşılaşmadığını və müalicə üsulunun təsirlərinin daha yaxşı müşahidə edilə bilməsi üçün daha çox köçürməyə ehtiyac olduğunu diqqətə çatdırıblar.

Normal bir hüceyrədəki genləri dəyişdirərək embrion kök hüceyrə əldə etmək olur. Əldə edilən embrion kök hüceyrələri bədəndəki istənilən hüceyrə növünə çevrilə bilir və buna görə də bədəndəki xəstə toxuma və orqanları bərpa edir.