Göyçayda ağır qəza | Yaralananlar var

Göyçayda avtomobil köşkə çırpılıb, xəsarət alan var. Hadisə rayonun Heydər Əliyev prospektində qeydə alınıb.

Belə ki, “VAZ 2107” markalı avtomobilin sürücüsü 21 yaşlı Nəbi Nəbizadə hərəkətdə olarkən idarəetməni itirib. Maşının yol kənarındakı köşkə çırpılması nəticəsində obyektin yanında dayanan 14 yaşlı yeniyetmə müxtəlif dərəcəli bədən xəsarəti alıb.

Yaralı dərhal Göyçay Rayon Mərkəzi Xəstəxanasına aparılıb və həkim nəzarətinə götürülüb.

Hazırda faktla bağlı araşdırma aparılır.