Laçında fəaliyyət göstərəcək müəssisələrin sayı açıqlandı

“Laçına qayıdacaq sakinlərin iş yerləri ilə bağlı problemi olmayacaq”.

Bunu Laçında həyata keçirilən layihələr üzrə iş icraçısı Elnur Abdullayev deyib.

O bildirib ki, Prezident İlham Əliyev Laçına səfəri çərçivəsində Qorçu və Şəlvə kəndlərinin əsasını qoyub. Eyni zamanda Laçına qayıdacaq sakinlərin sosial durumunun yaxşılaşdırılmasına dair dövlət proqramına əsasən iş yerlərinin açılması ilə bağlı öz tövsiyə və tapşırıqlarını verib:

“Laçının aqroparkı, yəni sənaye və istehsalat müəssisələri olan ərazidə Laçın sakinlərinin işlə təmin olunması üçün iri və xırda müəssisələrinin açılması nəzərdə tutulur. Artıq bu gün Laçına qayıdacaq 200 nəfərdən çox sakin işlə təmin olunub”.

E.Abdullayev əlavə edib ki, Laçın Həkəri çayının kənarında yerləşdiyi üçün burada balıqçılıq təsərrüfatının yaradılması da nəzərdə tutulub.