Milli Koordinatorun illik məlumatı
İnsan alveri cinayətlərinin qurbanı olmuş şəxslərin sosial reabilitasiyasına, sığınacaqda saxlanmasına və onlara birdəfəlik müavinətlərin verilməsinə 106 min manat vasait ayrılıb.
Bu, Milli Məclisin bu gün keçirilən plenar iclasında müzakirəyə çıxarılan “İnsan alverinə qarşı mübarizə üzrə Milli Koordinatorun illik məlumatı”nda yer alıb.
Qeyd edilib ki, Milli Fəaliyyət Planına uyğun olaraq ölkənin bütün inzibati ərazi vahidlərinin icra nümayəndəlikləri tərəfindən doğum barədə məlumatların “Azərbaycan Respublikası Əhalisinin Dövlət Reyestri” informasiya sisteminə ötürülməsi üçün müvafiq texniki imkanların yaradılması və bu sistemə 1 389 nümayəndəliyin qoşulması təmin edilib. Nəticədə 2022-ci ildə 5 381 uşaq səyyar qaydada dövlət qeydiyyatına alınıb.
Eyni zamanda qeydiyyat şöbələrinin və onların bu işə cəlb etdikləri icra nümayəndəliklərinin birgə fəaliyyəti ilə şəxsiyyəti təsdiq edən sənədləri olmayan 926 uşağın doğum faktı müəyyənləşdirilib.
![icon](/images/loading.png)