Narkoloji Dispanserdə arayış satanlar cəzalandırılacaq
Yeniliklərdən dərhal xəbərdar olun
Baku TV-nin Narkoloji Mərkəzdə rüşvət müqabilində saxta arayış verilməsi ilə bağlı yayımladığı görüntülər cəmiyyətdə rezonans doğurub.
Maraqlıdır, bu məsələ ilə bağlı aidiyyəti qurumlar araşdırma aparır?
Baş Prokurorluğun mətbuat xidmətindən bildirilib ki, sözügedən görüntülərlə bağlı hazırda araşırma aparılır. Hadisəyə hüquqi qiymət veriləcək və təqsirkarlar cəzalandırılacaq.
Səhiyyə Nazirliyinin media və kommunikasiya şöbəsindən isə şifahi olaraq bildirilib ki, Narkoloji Mərkəzdən müvafiq arayışın alınması müqabilində vətəndaşın həkimə 10 manat təklif etməsi və həkimin də həmin məbləği götürməsi faktı ilə bağlı artıq hüquq-mühafizə orqanlarına müraciət olunub və hüquqi müstəvidə araşdırma aparılır.
"Bununla yanaşı, Səhiyyə Nazirliyinin müvafiq şöbəsi tərəfindən də səlahiyyətləri daxilində xidməti araşdırma həyata keçirilir. Qeyd edək ki, qanunvericiliyə uyğun olaraq bu hadisəyə hüquqi qiymət veriləcək və təqsirkarlar cəzalandırılacaq”, – deyə Səhiyyə Nazirliyindən bildirilib.
#Baş Prokurorluq teqi istifadə olunub
- Ağstafada sursat partlayışı | Bir nəfər həlak oldu, bir nəfər xəsarət aldı - Baku TV
- Gürcüstanda saxlanılan Azərbaycan vətəndaşı ölkəmizə ekstradisiya olundu - Baku TV
- Traktorla gedən Bərdə sakini Xocavənddə minaya düşdü - Baku TV CANLI
- Qanunsuz tikinti və deformasiyaya uğrayan konstruksiya | Faciənin səbəbləri nədir? - Baku TV
- Bakıda Azərbaycan və Rusiya baş prokurorlarının ikitərəfli görüşü keçirildi - Baku TV
