Qarabağda növbəti kütləvi məzarlıq Şuşada aşkarlandı

Şuşa şəhərində növbəti kütləvi məzarlıq tapılıb.

Belə ki, avqustun 1-15-dək aparılan qazıntı işləri nəticəsində Şuşa həbsxanası ərazisində 17 şəxsə aid ehtimal edilən insan qalıqları aşkarlanıb.

Hərbi Prokurorluğun Xüsusi istintaq şöbəsinin rəisi Emil Tağıyev jurnalistlərə açıqlamasında bildirib ki, Şuşada may ayından bu yana aparılmış axtarışlar nəticəsində ən azı 31 şəxsə məxsus insan meyitinin qalıqları aşkar edilib.

Şöbə rəisinin sözlərinə görə, onların Birinci Qarabağ müharibəsi dövründə əsir və girov götürülərək burada saxlanılan azərbaycanlılara məxsus olması ehtimal edilir:

“Həbsxanada saxlanılan azərbaycanlılar qəddarcasına işgəncə verilməklə, döyülməklə, başları kəsilməklə, itlər üstlərinə buraxılmaqla, yaralı və halsız vəziyyətdə donuzlara yedizdirməklə və bu kimi digər işgəncələr etməklə qətlə yetirilmiş, elə buradaca basdırılmışdır”.