Qırğızıstan rəhbərinə sui-qəsd hazırlayan azərbaycanlılar barədə dəhşətli detallar

Mütəşəkkil cinayətkar qrupun 5 üzvü Azərbaycanın Daxili İşlər Nazirliyinin nümayəndələrinə təhvil verilib.

Sifarişli qətl törətmək üçün Bişkekə gedən şəxslər Qırğızıstanın Milli Dövlət Təhlükəsizlik Komitəsinin əməkdaşları tərəfindən saxlanılıblar.

Əməliyyat-istintaq tədbirləri zamanı həmin şəxslərin həqiqətən də cinayətkar qruplaşmalarla əlaqəsi müəyyən edilib.

Bu barədə Qırğızıstanın Milli Təhlükəsizlik Dövlət Komitəsinin mətbuat mərkəzi məlumat yayıb.

Qeyd edək ki, onların Qırğızıstan Respublikasının vətəndaşları üçün təhlükə yaratması məlum olub. İki ölkənin hüquq-mühafizə orqanları arasında bağlanmış müqaviləyə əsasən, Manas Beynəlxalq Hava Limanı ərazisində cinayətkarlar Azərbaycan Respublikası Daxili İşlər Nazirliyinin rəsmi nümayəndələrinə təhvil verilib.

Məlumatda o da qeyd olunub ki, martın 20-də Azərbaycanın 5 vətəndaşı cinayətkarlıq ideologiyasını yaymaq və gücləndirmək, xüsusilə ağır cinayət – sifarişli adam öldürmək məqsədilə Qırğızıstana gedib. Tutulanlar transmilli mütəşəkkil cinayətkar qrupun üzvləridir.