Tıxaca "yaşıl işıq" yandıran işıqfor, gərəksiz arakəsmə | Problem niyə üst-üstə gəlir?

“Necə olmalıdır?” rubrikasının budəfəki buraxılışında Ağa Nemətulla və Fətəli Xan Xoyski küçələrinin kəsişməsində hərəkətin təşkili ilə bağlı problem diqqətə çatdırılıb.

Bildirilib ki, işıqforun yaşıl işığı yandıqda “Metropark” istiqamətindən gələn avtomobillərin 90 faizindən çoxu sola dönür. Lakin sürücülər bu zaman qarşıdan gələn nəqliyyat vasitələrinə yol verməli olurlar. Nəticədə kəsişmədə ciddi sıxlıq yaranır.

Qeyd edilib ki, ərazidə bir müddət əvvəl salınan arakəsmənin ölçülərinin kəsişməyə uyğunluğu və funksional təyinatı da suallar doğurur.

Vurğulanıb ki, problemin həlli yollarından biri işıqforun hərəkəti ayrı-ayrı fazalarla tənzimləməsidir. Belə ki, “Nəriman Nərimanov” metrostansiyası istiqamətindən gələn avtomobillər və qarşıdan hərəkət edən nəqliyyat vasitələri üçün yaşıl işıq fərqli vaxtlarda yanmalıdır.