Qış Parkında açılandan işləməyən eskalatorlar: kimdir müqəssir?

Paytaxtın “Qış parkı” adlanan ərazisində eskalatorların üstünü fəaliyyətsizlikdən toz basıb.

Açılışı 2013-cü ildə baş tutan parkda 7 yeraltı keçid və 24 eskalator quraşdırılıb. Həmçinin keçiddə əlillərin hərəkəti üçün xüsusi qurğular da mövcuddur. Ancaq bu eskalatorların heç biri işləmir, hətta bəzi yerlərdə əlillər üçün nəzərdə tutulmuş qurğular sökülüb və yoxa çıxıb.

Məsələ ilə bağlı Azərbaycan Yerüstü Nəqliyyat Agentliyindən bildirilib ki, “Qış parkı” ərazisində yerləşən avtodayanacaqdakı lift və eskalatorların əsaslı təmiri nəzərdə tutulub. Amma bununla bağlı hər hansı tarix verilməyib.