Qobuda itin hücum etdiyi şagird danışdı | Ərazidə yenə itlər var

Bir ay əvvəl Qobuda it hücumu nəticəsində çoxsaylı yaralar alan azyaşlı Amar Əliyev müalicədən sonra evə buraxılıb.

Baku TV-nin əməkdaşları onu ziyarət ediblər, uşağın hazırkı vəziyyəti ilə maraqlanıblar.

Hadisə ilə bağlı danışan azyaşlı itlərin hücumuna məruz qaldığı anı xatırlayıb: “Birinci oyun oynadıq, sonra dağa çıxıb gəzmək istədik. Aşağı düşəndə üç it gördük, qorxub qaçmadıq. Yavaş-yavaş düşməyə çalışanda itlərdən ikisi mənə cumdu, digəri də dostumun üstünə qaçdı. O, əlinə daş götürəndə həmin it də mənim üstümə gəldi. Daha sonra sinif yoldaşımın atası məni xilas etdi və xəstəxanaya aparıldım”.