"YAŞAT" Fondunun hesabatı | “Məişət şəraitinin yaxşılaşdırılmasına ayrılan vəsait...” - Baku TV

“Məişət şəraitinin yaxşılaşdırılması istiqaməti üzrə 42 246 250 manat vəsait xərclənib. Bu kateqoriyada şəhid ailə üzvləri, itkin düşmüş hərbçilərin ailələri və yaralılar olmaqla, ümumilikdə 12 606 müraciət icra olunub”.

Bunu "YAŞAT" Fondunun rəhbəri Elvin Hüseynov qurumun 5 illik fəaliyyətinə dair keçirilən mətbuat konfransında deyib.

Elvin Hüseynov bildirib ki, Fond həmçinin müalicə və psixoloji dəstək xərclərinin ödənilməsi istiqamətinə 37 911 765 manat vəsait ayırıb. Bu çərçivədə şəhid ailələrindən 51 325, itkin ailə üzvlərindən 4, yaralılardan isə 25 934 olmaqla, ümumilikdə 77 263 müraciət təmin olunub.

“Müalicə məqsədilə 193 nəfər Türkiyəyə göndərilib, onların 184-ü müharibə əlili, 9-u isə şəhid ailəsi üzvüdür. Hazırda bir müharibə əlilinin müalicəsi Türkiyədə davam edir”, – deyə o əlavə edib.