Su çatışmazlığı, iqlim dəyişikliyi ilə bağlı problemlər necə həll ediləcək?

“2030-cu ilədək biz elektrik enerjisinə olan tələbatın 30 faizini bərpa olunan enerji mənbələri hesabına ödəməyi nəzərdə tuturuq”.

Bunu kənd təsərrüfatı naziri Məcnun Məmmədov deyib.

O bildirib ki, son illərdə Azərbaycan kənd təsərrüfatı sahəsinə investisiyalar cəlb etməklə bu sahənin modernləşdirilməsi istiqamətində xeyli irəliləyişlər əldə edib:

“Bura həm də sözügedən sahədə çalışan kadrların potensialının, eləcə də bilik və bacarıqlarının artırılmasına yönələn tədbirlərin həyata keçirilməsi, həmçinin subsidiyalaşma tədbirləri daxildir. Biz həmçinin milli səviyyədə iqlim hədəflərinə nail olunması prosesinə töhfə verməklə kənd təsərrüfatı sahəsində su çatışmazlığı və iqlim dəyişikliyi kimi məsələlərin həlli üzrə Milli Adaptasiya Planı hazırlayırıq”.

Nazir əlavə edib ki, kənd təsərrüfatı sahəsi hər zaman olduğu kimi iqlim dəyişikliyi probleminin həlli üzrə görüləcək bütün tədbirlərin mərkəzində dayanır.