Şuşa şəhərinə növbəti köç | 27 ailə doğma yurduna çatdı

Sentyabrın 7-də Bakının Qaradağ rayonundan yola salınan növbəti köç karvanı Şuşaya çatıb.

Bu mərhələdə şəhərə köçürülən 91 nəfərdən ibarət 27 ailəyə mənzillərin açarları təqdim edilib.

Mərasimdə Şuşa rayonunda Prezidentin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin və Şuşa Şəhəri Dövlət Qoruğu İdarəsinin rəsmiləri iştirak ediblər.

Qeyd edək ki, Şuşaya daimi yaşayış üçün köçürülən ailələrə yeni tikilən binalarda mənzil verilir. İndiyədək şəhərdə 763 nəfərdən ibarət 204 ailə mənzillə təmin edilib.