Cəmiyyət
Pleyeri seçin:
Şuşalılara evlərinin açarları təqdim edildi | 191 nəfər doğma yurdda
Qaradağ rayonundan yola salınan növbəti köç karvanı Şuşaya çatıb.
Bu mərhələdə şəhərə köçürülən 191 nəfərdən ibarət 49 ailəyə mənzillərin açarları təqdim edilib.
Mərasimdə Şuşada Prezidentin xüsusi nümayəndəliyinin, Qaçqınların və Məcburi Köçkünlərin İşləri üzrə Dövlət Komitəsinin rəsmiləri iştirak ediblər. Şuşaya daimi yaşayış üçün köçürülən ailələrə yeni tikilmiş binalarda mənzillər verilib.
Qeyd edək ki, hazırda Qarabağda və Şərqi Zəngəzurda ora köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən ümumilikdə 30 minə yaxın insan yaşayır.
Kopyalandı
Seçilmişlər
