Şüvəlan sakinlərini boğaza yığan səki problemi | Qurumdan açıqlama

Şüvəlan qəsəbəsində "Mir Mövsüm Ağa" ziyarətgahı istiqamətində sakinlərin hərəkəti çətinləşib.

Səbəb isə ərazidəki səkilərin ortasında işıq dirəklərinin quraşdırılmasıdır.

Səkilərdəki tək problem quraşdırılan işıq dirəkləri ilə yekunlaşmır. Heç onların eni belə üzərində hərəkət etməyə imkan vermir.

“Kimə nə deyəsən? Belə səki olar? Yol balacadır. İki nəfər gedəndə biri aşağı düşmək məcburiyyətində qalır”, – qəsəbə sakini narazılığını bildirib.

İşıq dirəkləri "Bakı Şəhər İşığı" Elektrik Şəbəkə Müəssisəsinin nəzarətindədir. Qurumdan bildirilib ki, sözügedən işıq dirəkləri illər əvvəl əraziyə sakinlərin şəxsi təşəbbüsü ilə quraşdırılıb. Daha sonra isə ərazinin işıqlandırılması məqsədilə müəssisənin şəbəkəsinə qoşulub. Həmçinin səkinin genişləndirilməsi ilə bağlı müəssisə tərəfindən aidiyyəti quruma müraciət edilib.

Xəzər Rayon İcra Hakimiyyətindən isə bildirilib ki, həmin rayonun bələdiyyəsi gələcəkdə bu işə baxılacağına söz verib.