Tahir Rzayevdən heyvanların kəsilməsi ilə bağlı yeni təklif | Mənşəyi bilinməyən ətlərin...
Körpə danaların kütləvi kəsimi ətin qiymətinin artmasına səbəb olur.
Bunu Aqrar siyasət komitəsinin sədri Tahir Rzayev Milli Məclisin plenar iclasında “Azərbaycan Respublikası Nazirlər Kabinetinin 2024-cü ildə fəaliyyəti haqqında hesabatı”nın müzakirəsi zamanı bildirib.
“Son illər iri və xırda buynuzlu mal-qaranın sayı azalsa da, heyvandarlıq məhsullarının istehsalı xeyli artıb. Dövlət mal-qaranın sayının artırılmasında deyil, ətlik və südlük heyvanlarının yetişdirilməsində maraqlıdır. Əlbəttə, bu, düzgün seçimdir. Ancaq 7-8 kiloqramlıq quzuların, körpə danaların kütləvi kəsimi və bazara çıxarılması heyvandarlığın inkişafına maneədir və bazarda ətin qiymətinin artmasına səbəbdir.
Orta kəsim çəkisinin 2 kiloqram az olması illik qoyun əti istehsalında 8 min ton itki deməkdir. Bizdə kəsim çəkisi normadan nəinki 2, hətta 9-10 kiloqram azdır. Heyvanların kəsilməsi üçün yaş həddinin müəyyən edilməsi, qadağaların qoyulması, cərimələrin tətbiqi yaxşı olardı.
Son illərdə mənşəyi bilinməyən ətin satışa çıxarılması zəhərlənmələrə, müəyyən xəstəliklərə səbəb olur. Ətin satışına qadağalar olmadığı üçün işbazlar bundan sui-istifadə edirlər”, – deyə deputat bildirib.
#Milli Məclis teqi istifadə olunub
- Milli Məclisin komitə sədrindən sərt açıqlama
- Avropa İttifaqının ikili standart sindromu - Baku TV
- Amnistiya qərarı kimlərə şamil olunmayacaq? | Milli Məclisin komitə sədrindən açıqlama - Baku TV
- Qanun fevralın 1-dən deyil, aprelin 1-dən qüvvəyə minə bilər
- Milli Məclisin komitə sədri 15 iyul 1992-ci il tarixli qərardan danışıb
