Pleyeri seçin:
Tanınmış jurnalist Sərxan Kamallı doğma kəndində dəfn olundu
İyunun 17-də dünyasını dəyişən 41 yaşlı jurnalist Sərxan Kamallı doğulduğu Yevlax rayonunda dəfn edilib.
Əvvəlcə jurnalistlə ata evində vida mərasimi keçirilib. Mərasimdə jurnalistin doğmaları, məsləkdaşları və rayon sakinləri iştirak ediblər.
“Balamı hər zaman yad edin. Üç övladı var. Ailəcanlı, evdar idi. Körpəsinin 4 yaşı var idi, ərköyün böyümüşdü. Onun nazı ilə indi kim oynayacaq?”, – mərhumun anası deyib.
Qeyd edək ki, Sərxan Kamallı bir sıra media qurumlarında çalışıb. Son iş yeri Baku TV olub.
Xatırladaq ki, S.Kamallı iyunun 16-da insult səbəbindən Xətai Tibb Mərkəzinin Reanimasiya və İntensiv Terapiya şöbəsinə yerləşdirilib. Həkimlərin səylərinə və çoxsaylı tibbi müdaxilələrə baxmayaraq, iyunun 17-si beyindaxili qansızma səbəbindən dünyasını dəyişib.
Kopyalandı
#Sərxan Kamallı teqi istifadə olunub
Seçilmişlər
