Cəmiyyət
Pleyeri seçin:
Tanınmış rejissorun 90 illik yubileyi keçirildi
Vyanadakı Azərbaycan Mədəniyyət Mərkəzində kinorejissor, Xalq artisti Rasim Ocaqovun anadan olmasının 90 illik yubileyi qeyd olunub.
Tədbirdə çıxış edən Azərbaycan Mədəniyyət Mərkəzinin rəhbəri Leyla Qasımova görkəmli rejissorun kino tariximizdəki mühüm rolundan söz açıb.
Azərbaycan Dövlət Film Fondunun direktoru Cəmil Quliyev tədbir iştirakçılarına videomüraciətində Rasim Ocaqovun yaradıcılıq dövrünü kino tariximizdə ayrıca mərhələ kimi səciyyələndirdiyini bildirib.
Rasim Ocaqovun nəvəsi Nərminə Həsənova, Xalq artistləri – Azərbaycan Kinematoqrafçılar İttifaqının sədri Şəfiqə Məmmədova və Fəxrəddin Manafov tanınmış rejissorla bağlı xatirələrini bölüşüblər.
Tədbirdə Baku TV tərəfindən çəkilən, Rasim Ocaqovun həyat və yaradıcılığından bəhs edən “Ocaqov dünyası” sənədli filmi də nümayiş olunub.
Azərbaycan Mədəniyyət Mərkəzində görkəmli rejissorun həyat və yaradıcılığına həsr olunmuş fotosərgi də təşkil olunub.
Kopyalandı
Seçilmişlər
