Tək ayaq üstündə dayanın və... | Sağlamlıq barədə heyrətləndirən test

Yıxılma yaşlılar arasında ciddi sağlamlıq problemlərinə gətirib çıxara bilər.

Ümumdünya Səhiyyə Təşkilatının məlumatına görə, 65 yaş və daha yuxarı şəxslər arasında xəsarətlə bağlı ölümün ikinci əsas səbəbi yıxılmalardır. Buna görə də yaşlı şəxslərdə müntəzəm balans və hərəkətlilik testlərinin aparılması tövsiyə olunur.

60-89 yaş arası 153 iştirakçı üzərində dördmərhələli tarazlıq testi keçirilib. Təkayaqlı vəziyyətdə qalma müddəti gələcək altı ay ərzində yıxılma riskini göstərə bilər. Hər əlavə saniyə yıxılma ehtimalını 5 faiz azaldır.

Tədqiqatçılar müəyyənləşdiriblər ki, ciddi tarazlıq problemləri olan şəxsləri yalnız 10 saniyəlik test müəyyən edə bilər. Amma bununla belə o risk qrupundakı bəzi şəxsləri gözdən qaçıra bilir. Bu səbəbdən tədqiqatçılar testin minimal vaxt limitinin 23 saniyə olmasını təklif edirlər.

Bundan əlavə, tədqiqatda güc platforması vasitəsilə bədənin yırğalanması ölçülüb və bu parametrin də yıxılma ehtimalı ilə əlaqəli olduğu müəyyən edilib.

Yıxılmaların qarşısının alınması və müvafiq müdaxilələrin vaxtında həyata keçirilməsi üçün bu metodun tibbi müayinələrə daxil edilməsi tövsiyə olunur.