Ukraynada həmyerlimizə məxsus restoranda təxribat törədilib

Ukrayna paytaxtı Kiyevdə azərbaycanlı iş adamına və onun ailəsinə qarşı kütləvi təhdidlər başlayıb.

Belə ki, iyulun 1-i axşam saatlarında həmyerlimiz Natiq Quliyevə məxsus “Dubrovka” adlı kafedə yerli sakinlər tərəfindən təşkil olunan məclisdə Ukraynaya qarşı nifrəti ilə seçilən və buna görə də ifasının dinlənilməsi bu ölkədə qadağan olunan rusiyalı müğənni Lepsin mahnısı səsləndirilib.

Restoran sahibi dərhal məclisin keçirildiyi banket zalına yaxınlaşıb və musiqinin ifasını dayandırıb. Buna baxmayaraq, həmin gün başqa naməlum müştəri tərəfindən telefonla çəkilən görüntülər tamamilə yanlış istiqamətdə sosial şəbəkələrin yerli seqmentinə ötürülüb və musiqinin sifarişçisinin guya həmyerlimiz, ifanı səsləndirən xanımın isə kafenin administratoru olduğu göstərilib.