Xaçmazda ağacəkmə aksiyası | Heydər Əliyevin xatirəsini belə yad etdilər

Xaçmazda Ümummilli Lider Heydər Əliyevin anadan olmasının 101-ci ildönümü qeyd edilib.

Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri, idarə, təşkilat və müəssisələrin kollektivləri, ziyalılar və ictimaiyyət nümayəndələri Ulu Öndər Heydər Əliyevin abidəsi önünə gül dəstələri düzüb, dahi şəxsiyyətin əziz xatirəsini ehtiramla yad ediblər.

Ümummilli liderin anadan olmasının 101-ci ildönümü münasibətilə “Yaşıl dünya naminə həmrəylik ili” çərçivəsində ağacəkmə aksiyası keçirilib. Aksiyada icra başçısı Elnur Rzayev, ictimaiyyət nümayəndələri və könüllülər iştirak ediblər. Aksiya zamanı 101 ədəd ağac əkilib.