Xaçmazlıların bayram sevinci | İcra başçısı Novruz tədbirində iştirak etdi

Bolluğun, bərəkətin və xeyirxahlığın təcəssümü olan, milli ruhumuzu və yaddaşımızı özündə əks etdirən Novruz bayramı münasibətilə Xaçmazda ümumrayon bayram şənliyi keçirilib.

Tədbirdə Rayon İcra Hakimiyyətinin başçısı Elnur Rzayev, yerli hüquq-mühafizə orqanlarının rəhbərləri, şəhid ailələri, qazilər və ictimaiyyət nümayəndələri iştirak ediblər.

Rayon rəhbərliyi və qonaqlar Novruzun özənəməxsus xüsusiyyətlərini və milli adət-ənələrimizi əks etdirən eksponatlarla tanış olublar. Sənətkarlarının əl işləri, rəssamların tabloları, Novruzla bağlı mərasimlər nümayiş olunub.

İcra başçısı Elnur Rzayev rayon ictimaiyyətini Novruz bayramı münasibətilə təbrik edərək onlara ən xoş arzularını çatdırıb.

Qonaqlar rayonda istehsal olunan məhsulların sərgisi ilə tanış olub, bayram süfrələrində milli mətbəximizin təamlarından dadıblar.

Novruz şənliyi geniş bayram konserti ilə davam edib.