Pleyeri seçin:
Xəzərdə batmaqda olan balıqçılardan xəbər var
Xəzərdə iki balıqçı batmaq təhlükəsi ilə üz-üzə qalıb. Bu barədə Dövlət Sərhəd Xidməti məlumat yayıb.
Bildirilib ki, dekabrın 26-da saat 15:40-da Dövlət Sərhəd Xidməti Sahil Mühafizəsinin Cənub regional şöbəsinin Kələdəhnə sahil nəzarəti bölməsinə 2 nəfər heyət üzvü olan “KƏ-245” bort nömrəli plastmas tipli qayığın mühərrikində yaranmış nasazlıq səbəbindən dənizdə batma təhlükəsi ilə üzləşməsi barədə məlumat daxil olub.
Daxil olmuş məlumat əsasında qayığın və heyət üzvlərinin xilas edilməsi məqsədilə dövlət sərhədinin mühafizəsində olan “Tufan” tipli sərhəd gəmisi qeyd olunan istiqamətə göndərilib.
Keçirilmiş axtarış tədbirləri nəticəsində saat 17:30-da dənizdə köməksiz vəziyyətdə qalmış balıqçı qayığında Astara rayon Şahağacı kənd sakinləri 50 yaşlı Ramiz Rəhmanov və 42 yaşlı Zərif Hümmətov sərhədçilər tərəfindən xilas edilərək sahilə çıxarılıb.
Kopyalandı
#Xəzər dənizi teqi istifadə olunub
Seçilmişlər
