Yurd həsrəti bitən şəhid ailəsi | "Evlərimiz yandı, amma inanırdıq ki, qayıdacağıq..." - Baku TV
Doğma yurdundan didərgin düşən minlərlə ailədən biri də Xankəndi sakini Kamran Nəsirovun ailəsi idi.
O illərin ağrısı, yurd həsrəti Nəsirovlar ailəsinin taleyinə də silinməz iz salıb. Bu torpaqların düşmən tapdağından azad olunması üçün Kamran Nəsirovun oğlu Xəqani Nəsirov da döyüşlərdə şücaət göstərib. Şəhidin iki övladı isə yadigar qalıb.
Kamran Nəsirov deyir ki, bir gün yurd həsrətinin bitəcəyinə həmişə inamı olub: “1988-ci ilin sentyabr ayında evlərimiz yandı, buradan çıxdıq. İnanırdıq ki, qayıdacağıq”.
İllər keçdi, həsrət böyüdü, amma ümid heç vaxt itmədi. Bu gün isə həmin ailə artıq doğma torpaqlarında – Xankəndi şəhərində yaşayır. Kamran Nəsirov artıq tək deyil, onun yanında nəvələri, gəlinləri var. Bir vaxtlar didərgin düşən ailə bu gün yenidən bir dam altında toplaşıb.
#Xankəndi teqi istifadə olunub
- Bura axşamlar bir başqa gözəldir... | Addım-addım dirçələn Xankəndi - Baku TV
- "Biz təhsil almalıyıq ki..." | Qarabağın gələcəyinə töhfə verən təhsil ocağı - Baku TV
- Xankəndi şəhərində WUF13 çərçivəsində festival keçirilib - Baku TV
- Xankəndidə yeni marşrut şəbəkəsi yaradılıb | 3 xətt üzrə marşrut istifadəyə verildi - Baku TV
- Xankəndidə Novruz bayramı qeyd edildi - Baku TV
