ABŞ Avropadan uzaqlaşıb kimlərə yaxınlaşır? | Rusiyaya qarşı ən real ittifaq quruldu

Baltik dənizində vəziyyət gərgin olaraq qalmaqdadır. Rusiya NATO-nun mümkün hücumlarına hazırlıq işlərini davam etdirir.

Kremlin sözçüsü Dmitri Peskov bildirib ki, NATO Moskvaya qarşı düşmənçilik mövqedə olan Alyansdır. Buna görə də onların Baltik dənizindəki fəallığına müvafiq cavab verilməlidir.

NATO və Avropa İttifaqı isə bölgədəki fəallığını Rusiyanın hücumuna hazırlıq kimi qələmə verir.

Rəsmən təsdiqlənməyən məlumata görə, NATO-ya üzv ölkələr Rusiyanın Baltik dənizinə əsas çıxışı olan Kalininqradı ələ keçirmək niyyətindədir.

Qeyd edək ki, Sankt-Peterburqun da Baltik dənizinə çıxışı var. Şəhər Fin körfəzinin sahilində yerləşir.

Bəzi ekspertlər sadalanan versiyaların inandırıcı olmadığını düşünürlər, çünki NATO-nun özündə fikir ayrılığı artıb, elə Avropa İttifaqında da həmrəylik nəzərə çarpmır. Səbəb isə ABŞ-nin Qərb koalisiyasının yeni planlarına soyuq yanaşmasıdır.