ABŞ-də ağır yol qəzası | Çoxlu sayda ölü və yaralı var

ABŞ-nin Missisipi ştatında avtobusun qəzaya uğraması nəticəsində 7 nəfər ölüb, 37 nəfər yaralanıb.

Bu barədə yerli mətbuatda məlumat yayılıb.

Qeyd olunub ki, ticarət sərnişin avtobusu Viksburqdan şərqdə şosedən çıxaraq aşıb.

Nəticədə 6 nəfər hadisə yerində, daha bir sərnişin isə xəstəxanada ölüb. Qəzada xəsarət alan ən azı 37 nəfər müxtəlif tibb müəssisələrinə yerləşdirilib.

Məlumata görə, qəzanın səbəbləri araşdırılır.