ABŞ hərbçiləri müharibəyə qoşulur: Qəzza zolağında vəziyyət gərginləşdi

Yaxın Şərqdə inkişaf edən təhlükəsizlik mühiti nəzərə alınmaqla, ABŞ-nin müdafiə naziri Lloyd Austinin göstərişi ilə İsrailə göndərilən 2000 əsgər yüksək hazırlıq vəziyyətinə gətirilib.

Bu barədə ABŞ Müdafiə Nazirliyindən bildirilib. Hərbi heyətin təlimləri yekunlaşsa da, onların hansı istiqamətdə yerləşdiriləcəklərinə dair hələlik heç bir qərar verilməyib.

L.Austin açıqlamasında onu da bildirib ki, İsrailə dəstək nümayiş etdirmək üçün Birləşməş Ştatlar Şərqi Aralıq dənizinə təyyarə daşıyan donanma da göndərib.