Pleyeri seçin:
ABŞ hərbi bazası vuruldu | Regionda gərginlik davam edir - Baku TV
İslam İnqilabı Keşikçiləri Korpusu Küveytdəki “Arifcan” bazasında yerləşən Amerika qoşunlarının cəmləşdiyi əraziyə raket hücumu edib.
Bu barədə IRNA agentliyi məlumat yayıb.
Vurğulanıb ki, “Arifcan” bazasındakı Amerika kontingentinə yüksək dəqiqlikli raketlərlə bir neçə zərbə endirilib.
Küveyt şəhərindəki Sosial Təminat Qülləsi də hücuma məruz qalıb. Zərbələrdən sonra göydələndə yanğın başlayıb.
Bu barədə İranın “Press TV” telekanalı məlumat yayıb.
Hər iki hadisə ilə əlaqədar araşdırma aparılır, hücum nəticəsində mümkün maddi ziyan və ya tələfat barədə hələlik heç bir məlumat yoxdur.
ABŞ Prezidenti Donald Tramp münaqişə bitdikdən sonra İranın sərhədlərinin dəyişdirilməsini mümkün hesab edir.
Bu barədə Ağ Ev rəhbəri təyyarədə jurnalistlərə bildirib.
Münaqişə bitdikdən sonra İran xəritəsinin eyni görünüb-görünməyəcəyi ilə bağlı suala Amerika lideri belə cavab verib:
“Bunu sizə deyə bilmərəm. Yəqin ki, yox”.
Kopyalandı
#İslam İnqilabı Keşikçiləri Korpusu teqi istifadə olunub
Seçilmişlər
