ABŞ Husilərə qarşı əməliyyatı dayandırır | Trampdan açıqlama

07 may 2025 390 baxış

ABŞ Prezidenti Donald Tramp ölkəsinin husilərə qarşı hücumlarını dayandırdığını bildirib.

Bu barədə o, Ağ Evdə Kanadanın Baş naziri Mark Karni ilə görüşündə söyləyib.

O əlavə edib ki, husilər də öz növbəsində Qırmızı dənizdə və Bab əl Məndəb boğazında heç bir gəmiyə hücum etməyəcəklərinə dair söz veriblər:

“Husilər döyüşmək istəmirlər və biz buna hörmət edirik. Onlar dedilər ki, zəhmət olmasa, bizi daha bombalamayın, biz də sizin gəmilərə hücum etməyəcəyik. Ona görə də bombalamağı dərhal dayandırırıq.

Onlar təslim oldular”.

Qeyd edək ki, ABŞ və husilər arasında atəşkəs Oman Sultanlığının vasitəçiliyi ilə əldə edilib. Bu barədə Omanın xarici işlər naziri Bədr bin Həməd əl Busaidi bəyan edib.

Onun sözlərinə görə, əldə edilən razılaşmaya əsasən, tərəflər bir-birinə hücum etməyəcəklərini və Qırmızı dənizdə gəmiçiliyin təhlükəsizliyini təmin edəcəklərini vəd ediblər.

#ABŞ