Pleyeri seçin:
ABŞ İrana elə hücum edəcək ki... | Müharibə nazirindən sərt xəbərdarlıq - Baku TV
Xəbərlərimizi Google-da izləyin
Yeniliklərdən dərhal xəbərdar olun
ABŞ-nin müharibə naziri Pit Heqset çərşənbə axşamı ABŞ-nin İrana hərbi əməliyyatların başlanmasından bəri ən güclü zərbələri endirəcəyini vəd edib.
Bu barədə o, Ağ Evdə Donald Trampla keçirilən mətbuat konfransında bildirib.
"Bu gün ABŞ Prezidentinin göstərişi ilə Yaxın Şərqdə əməliyyat başlayandan bəri ən çox hava zərbəsi endiriləcək, sabah isə bu gündən də çox olacaq", – deyə Pentaqon rəhbəri deyib.
Onun sözlərinə görə, ABŞ qoşunları ölkənin maraqlarını qorumaq və qarşıya qoyulan tapşırığı yerinə yetirmək üçün istənilən vaxt istənilən yerə getməyə hazırdır.
"Sonra isə İranın seçimi olacaq. Ağıllı seçim edin, çünki Prezident zarafat etmir. Biz dəqiq hərəkət edərək hava məkanına nəzarət edirik", – deyə Heqset vurğulayıb.
Bu arada, "Axsios" portalı İsrailin Baş naziri Benyamin Netanyahunun ABŞ Prezidenti Donald Trampı İranla atəşkəsdən yayındırmağa çalışması ilə bağlı məlumat yayıb.
Portal qeyd edib ki, sonuncu telefon danışığında Netanyahu Prezident Trampı bu mərhələdə atəşkəsə nail olmağa çalışmamağa çağırdı və belə bir addımla bağlı risklərdən narahatlığını ifadə etdi.
Kopyalandı
Seçilmişlər
