ABŞ-nin sabiq prezidenti xərçəng xəstəliyindən əziyyət çəkir

ABŞ-nin sabiq prezidenti Cozef Bayden yenidən dəri xərçəngi hüceyrələrinin çıxarılması əməliyyatı keçirib.

Bu barədə "NBC News" məlumat yayıb.

Baydenin dərisindən xərçəng hüceyrələrinin çıxarılması üçün cərrahiyyə əməliyyatı keçirildiyi və onun vəziyyətinin yaxşı olduğu bildirilib.

"Baydenin üzərində dəri xərçənginin ən geniş yayılmış formalarının müalicəsi üçün istifadə olunan prosedur keçirilib", ‒ deyə keçmiş ABŞ liderinin mətbuat katibi telekanala bildirib.

Prosedurdan sonra bərpa prosesinin yaxşı getdiyi bildirilir.

Bu əməliyyat 82 yaşlı Baydenin may ayında metastatik prostat xərçəngi diaqnozu qoyulduğunu açıqlamasından bir neçə ay sonra həyata keçirilib. Komandası xəstəliyi aqressiv, lakin hormonlara həssas olaraq xarakterizə edib, yəni müalicəyə cavab vermə ehtimalı yüksəkdir. Onun əməliyyatı dəqiq nə vaxt keçirdiyi açıqlanmayıb.