ABŞ onlara meydan oxudu, vəziyyət gərginləşdi | Bu şərtlərə əməl etməsəniz...

Husilər gəmilərə hücumu dayandırana qədər ABŞ onlara zərbələr endirməyə davam edəcək.

Bunu Pentaqon rəhbəri Pit Heqset deyib.

“Husilər “gəmilərinizə atəş açmağı dayandırırıq, dronlarınıza atəş açmağı dayandırırıq” deyəndə bu kampaniya sona çatacaq, lakin o vaxta qədər zərbələr amansız olacaq. Söhbət bu kritik su yolunda hədəflərin atəşə tutulmasının dayandırılması və ABŞ-nin əsas milli maraqlarından biri olan naviqasiya azadlığının yenidən açılmasından gedir və İran çox uzun müddətdir husiləri dəstəkləyib. Onlar üçün daha yaxşı olar ki, geri çəkilsinlər”, ‒ o bildirib.

Husilər keçən həftə bildiriblər ki, İsrail Qəzzaya humanitar yardım daşıyan blokadanı qaldırmasa, Qırmızı dənizdən keçən İsrail gəmilərinə hücumları bərpa edəcəklər.

Qeyd edək ki, Prezident Trampın əmri ilə ABŞ ordusu ötən gündən husilərə sistemli zərbələr endirir.