ABŞ Ukraynaya silah tədarükünə son qoyacaq?

03 aprel 2026 253 baxış

“Bu günə qədər ABŞ-nin Ukraynaya silah tədarükünün dayandırılması ilə bağlı siqnal daxil olmayıb, amma bunun gələcəkdə baş verə biləcəyini istisna etmək olmaz”.

Bunu Ukrayna Prezidenti Volodimir Zelenski deyib.

ABŞ-dən silah tədarükünün dayandırılıb-dayandırılmaması ilə bağlı sualı cavablandıran Zelenski bildirib:

“İndiyə qədər silah tədarükünün dayandırıla biləcəyinə dair siqnal daxil olmayıb”.

Ukrayna dövlət başçısı bu məsələyə daha strateji yanaşmağın vacibliyini qeyd edib:

“2023-cü ildə məsələni öz əlimizdə saxlayırdıq, sonra hərbçilərimizə söylədim ki, ABŞ-dən gələn yardımın dayandırıla və ya məhdudlaşdırıla və pulsuz olmaya biləcəyinə hazır olmalıyıq. Təchizatı şaxələndirməliyik, bu və ya digər nadir silahların, mərmilərin və sair xərclərini azaltmalıyıq. Hələ o zaman dedim ki, nə vaxtsa Ukraynaya pul müqabilində belə silah verilməyəcəyinə hazırlaşmağa başlamalıyıq”.

#Volodimir Zelenski