ABŞ və Ermənistan arasında nə baş verir? | Tramp ənənəni pozdu

Ermənistan hökuməti ölkənin Baş naziri Nikol Paşinyanı ABŞ Prezidenti Donald Trampın andiçmə mərasimində iştirakçılar siyahısına daxil etmək üçün azı 2 dəfə müraciət edib.

İrəvan tərəfi ABŞ-nin Dövlət Departamentinə və D.Trampın ofisinə tələblərini ünvanlayıb. Lakin D.Tramp Administrasiyası bu istəyə müsbət yanaşmayıb. Yerli mediada isə bu hadisə “Nikol Paşinyan inaqurasiyaya dəvət almayıb” başlığı altında paylaşılıb.

“Hökumət rəsmilərindən məsələ ilə bağlı açıqlamanın verilməməsi münasibətlərin yaxşı olmadığını göstərir”, – deyə yazıda vurğulanıb.

Məlumat üçün bildirək ki, ABŞ tarixi boyunca heç bir xarici ölkənin başçısı ABŞ Prezidentinin inaqurasiyasında iştirak etməyib. Lakin Donald Tramp sözügedən ənənəni pozub. Bu səbəbdən də kimin dəvət olunub-olunmaması mediada müzakirə mövzusuna çevrilib.